Ukrayna diplomları Avropa, Amerika, Kanada, Türkiyə, həmçinin Azərbaycan Respublikasında təsdiq olunur (nostrifikasiya). Ukraynada əyani və qiyabi təhsil almaq mümkündür.

Hal-hazırda Ukrayna dövlət universitetlərinə qəbul olmaq üçün, sənədlər online formada göndərilir. Qəbul və tədris prossesi tam online olaraq, Ukraynaya getmədən təşkil olunur. Tələbələr əlavə xərclər, yəni aviabilet, sığorta, yaşama izni, tələbə yataqxanaları və bu kimi xərclərdən azaddırlar. Xarkov, Kiyev, Çernivtsi və digər şəhərlərdə yerləşən dövlət universitetləri xarici tələbələrin ən çox seçim etdiyi istiqamətlərdir.

Təhsil haqqları münasibdir və universitetdən asılı olaraq, dəyişilir. İqtisadiyyat və İT-Kompüter mühəndisliyi-Proqramlaşdırma sahəsi oxumaq istəyən tələbələr üçün illik təhsil ödənişləri 1250 dollardan başlayır. Ukraynada tibb oxumaq da olur, illik ödənişlər hər yerdə olduğu kimi, Ukraynada da illik 4000 dollardan başlayır. Tibb üçün Xarkov Milli Tibb Universiteti seçirlər. Əlavə olaraq, Sumı Milli Aqrar Universitetini də göstərmək olar ki, İnşaat, Aqrar, Baytarlıq və bu kimi digər ixtisaslarda illik təhsil haqqı 1300-1500 dollardan başlayır. Xarkov Milli Aviasiya Universiteti də bir sıra ixtisaslarda online tədris forması təklif edir.

Ukraynada Təhsil seçən tələbələrin sayı yenə də artmaqda davam edir. Hal-hazırda Azərbaycan, Çin, Türkiyə, Özbəkistan, Hindistan, İordaniya, Gürcüstan və digər ölkələrin vətəndaşları universitet təhsillərini Ukraynada online və offline formatda davam etdirirlər. Diplomların Avropa ölkələri, Amerika və Kanadada çox rahat tanınması, Ukraynada Təhsil istiqamətinin seçilməsinin əsas səbəbidir.